LA SELMANA DE LES LLETRES ASTURIANES

La selmana de les lletres asturianes

vien cellebrándose dende 1980 na primer selmana del mes de mayu, y dende 1989 solía dedicase a un autor/a importante de la lliteratura asturiana.
Na selmana de les lletres, los profesores de llingua y lliteratura asturiana avecen a adaptar les sos clases al autor al que tea dedicada la selmana , y les autoridaes autonómiques implíquense na defensa del idioma. Asina ye que dende los caberos años vienen celebrándose recitales de poesía na Xunta xerenal.
Amás de poesía y actos culturales que se cellebren per toa Asturies nesta selmana, destaca nella'l Día de les lletres , que ye'l momentu cimeru de la selmana nel que la presidencia de l'Academia de la llingua asturiana da'l so discursu nun actu solemne zarráu pol Himno d'Asturies nel qu'evalúa la situación xeneral de la llingua y la lliteratura y procédese al nomamientu de los nuevos académicos. Tamién ye esti día l'escoyíu polos comerciantes llibreros pa facer un 10% de descuentu nos sos llibros, celebrándose n'Uviéu la Feria del Llibru que va dende'l Día del llibru (23 d'Abril) al Día de les lltres (tamién llamáu Día del Llibru y del Discu n'asturianu). Asinamesmo, la xunta pola defensa de les lletres asturianes suel entamar una manifestación pola oficialidá del asturianu coincidiendo col Día de les Lletres.




Esti añu el  gobiernu del Principau entama la 33 Selmana de les Lletres Asturianes, dedicá a los poetes Benitu de l´Auxa y Antón Balvidares, del 30 d’abril al 4 de mayu.

Benitu de l’Auxa (1742-1814) y Antón Balvidares (1751-1792) son dos escritores de la  ‘xeneración del mediu sieglu’. Alreor a la figura de Xovellanos y del grupu de los ‘Bableferidos’.

Les actividaes desenvolvieronse en Xixón y Grau, el día 30. N’Uviéu y Candás el 2 de mayu. En Sariegu el 3 de mayu. En Sariegu y Santalla d’Ozcos el 4 de mayu.

El mesmu 4 de mayu, Día de los Lletres Asturianes, llibreríes de toa Asturies ufiertan un 10% de descuentu al mercar llibros y música y regalen, mentantu haya dellos, exemplares del llibru Al rodiu de la poesía ilustrada.

El día 4 de mayu, per otru llau, l’Academia de la Llingua celebra el Día de les Lletres Asturianes, nel teatru Campuamor d’Uviéu dende les 20:30 hores. El Entamu musical fáenlu Xuan Nel Expósito -Curdión- y Marisa Valle Roso -Tonada-. Esti entamu va dir seguíu de la Xunta Extraordinaria, de la intervención de delles entidaes sociales que falarán de Llingua y futuru, del discursu institucional, de la esbilla de poemes y piesllarase cola actuación musical de la Banda de Gaites de Villaviciosa.
Manifestacion de la selmana del 33 deles lletres asturianas 

 
La manifestacióm esti añu faila la xunta por la llingua y sumaronse la

organización política xuvenil Darréu que quier espresar una vegada más nel Día de les Lletres Asturianes la so esmolición pa cola situación de la llingua propia d'Asturies: l'asturianu.

Tamien quieren recordar que va unos años dellos conceyos d'Asturies declararon qu'oficializaben la nuesa llingua y l'Estáu Español baltió estes declaraciones. 

La manifestación amenizada por un grupu de pandereteres, entamó a les 19.30 hores na Estación del Norte, y anque pasada per agua en too momentu, desfilo peles cais d'Uría y San Francisco hasta llegar a la Plaza Porlier, onde Paula Cristóbal, lleó'l comunicáu, nel qu'ente otres cueses, facía mención a la confirmación del Tribunal Supremu de que ye illegal poner un mínimu d'alumnos pa dar clas d'asturianu en Secundaria.

Dempués de la manifestación nel teatru Filarmónica d'Uviéu tuvo amenizada pola banda Gaite de Villaviciosa.

Tolos años la Xunta pola defensa de la llingua entama un conciertu en favor dela oficialidá. esti añu cellébrase en Xixón que contará coles actuaciones de: Michael Lee Wolfe, Mapi Quintana & Jacobo de Miguel; Macadamia, Tuenda, La Bandina, Alfredo González, Dixebra y Fala non Caduca

conciertu sobre la selmana de les lletres asturianes